Rusiya: doğulandan çox ölən var
Rusiyanın Federal Statistika Xidməti 2018-ci il üzrə demoqrafik hesabat açıqlayıb. Novator.az-ın məlumatına görə, sənəddə qeyd olunur ki, 2018-ci ildə ölkədə 1 milyon 600 min uşaq doğulub, 1 milyon 800 min nəfər vəfat edib.
Ən çox doğumun paytaxt Moskvada qeydə alındığı bildirilir: 132 min 100 nəfər.
İlk beşlikdə sonrakı yerlərdə Moskva vilayəti, Krasnodar diyarı, Sankt-Peterburq şəhəri və Tümen vilayəti gəlir.
Moskva ölüm statistikasında da öndə göstərilir. 2018-ci ildə Rusiya paytaxtının 122 min nəfər sakini dünyasını dəyişib.
İtki sarıdan ikinci yerdə 92 min nəfərlə Moskva vilayəti gəlir.
Ötən il Krasnodar diyarında 67 min nəfər, Sankt-Peterburq şəhərində 59,8 min nəfər, Sverdlovsk vilayətində 58,5 min nəfər vəfat edib.
Səidə Hüseynova
