Ən dinc ölkə
İqtisadiyyat və Sülh İnstitutu (mərkəzi qərargahı Avstraliyadadır) sülhpərvərlik reytinqi açıqlayıb. Reytinq ölkələrdə zorakılıq səviyyəsi və dövlətin xarici siyasəti meyarlarına əsaslanır.
Novator.az-ın məlumatına görə, ən dinc ölkə kimi İslandiya göstərilir. İlk beşlikdə Yeni Zelandiya, Portuqaliya, Avstriya və Danimarka da yer alır.
Azərbaycan 163 ölkə arasında 130-cudur. Qonşulardan Gürcüstan 99-cu, Ermənistan 118-ci, İran 139-cu, Türkiyə 152-ci, Rusiya 154-cü sıradadır.
Siyahını İraq, Yəmən, Cənubi Sudan, Suriya və Əfqanıstan qapayır.
