“AT Kearney” beynəlxalq konsaltinq agentliyi rəqabət qabiliyyətində üstün şəhərlərin adlarını açıqlayıb. Novator.az-ın məlumatına görə, “Global Cities Report 2019” reytinqinin tərtibatçıları dünyanın 135 şəhərini 27 meyar üzrə araşdırıblar.
Meyarlar işgüzar fəallıq, insan kapitalı, informasiya mübadiləsi, mədəniyyət ənənələri və siyasi fəaliyyətə qatılma göstəricilərini əhatə edir.
Reytinq cədvəlinin ilk pilləsində ABŞ-ın Nyu-York şəhəri qərarlaşıb.
İkinci yerdə Böyük Britaniya paytaxtı London, üçüncü pillədə Fransanın paytaxtı Paris dayanır.
Rəqabət qabiliyyətliliyi indeksinin ilk onluğunda Tokio (Yaponiya), Honkonq, Sinqapur, Los-Anceles (ABŞ), Çikaqo (ABŞ), Pekin (Çin), Vaşinqton da (ABŞ) yer alır.
Rusiyanın paytaxtı Moskva 18-ci sırada göstərilir.
Səidə Hüseynova
