Neft: hasilat statistikası, qiymətlər
2019-cu ilin may ayında Azərbaycanın gündəlik neft hasilatı 776 min barrel olub. Novator.az bildirir ki, Energetika Nazirliyinin hesabatına görə, gündəlik 494 min barrel xam neft, 75 min barrel kondensat, 14 min barrel neft məhsulları ixrac edilib.
Yanvarda gündəlik hasilat 793 min barrel, fevralda 806 min barrel, martda 798 min barrel, apreldə 683 min barrel göstərilib.
Beş ayın orta gündəlik hasilatının 771,2 min barrel olduğu vurğulanır.
AZƏRTAC-ın 11 iyun məlumatına görə, London birjasında brent markalı neftin bir barreli 62,74 dollara, Nyu-York birjasında layt markalı neftin bir barreli 53,88 dollara satılır.
Azərbaycan nefti “AzəriLayt”ın bir barrelinin 65,24 dollara təklif olunduğu qeyd edilir.
2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09 dollarla start verib.
