Erməni diplomat BMT baş katibinin müavini oldu
Erməni diplomat Movses Abelyan BMT baş katibinin Baş Məclis və konferension idarəçilik üzrə müavini təyin olunub. Sərəncamı baş katib Antonio Quttereş iyunun 10-da imzalayıb. Portuqaliyalı Antonio Quttereş 2017-ci ildən BMT-nin baş katibidir.
Novator.az bildirir ki, Movses Abelyan 1963-cü ildə Ermənistanın paytaxtı Yerevanda doğulub, üç yaşından Gürcüstanda yaşayıb. Hər iki ölkənin vətəndaşıdır. Tətbiqi riyaziyyat üzrə elmlər namizədidir.
1993-cü ildən Ermənistanın BMT-dəki nümayəndəliyində çalışıb, 1998-ci ildə daimi nümayəndə təyin edilib.
2003-cü ildən Movses Abelyan BMT-nin müxtəlif qurumlarında məsul vəzifələr tutub, 2016-cı ildən BMT baş katibinin köməkçisi olub.
