2019-2020-ci illər mövsümündə UEFA-nın klub turnirlərinə vəsiqə alan bütün komandalar bəlli olub. Novator.az bildirir ki, Çempionlar Liqasında 79, Avropa Liqasında 158 komanda var.
İspaniya, İngiltərə, İtaliya və Almaniyadan Çempionlar Liqasına 4, Avropa Liqasına 3 komanda buraxılır.
Fransa və Rusiya həm Çempionlar Liqasına, həm Avropa Liqasına 3 komanda göndərir.
Portuqaliya, Ukrayna, Belçika, Türkiyə, Avstriya, İsveçrə, Çexiya, Hollandiya, Yunanıstan Çempionlar Liqasına 2, Avropa Liqasına 3 komanda verir.
Xorvatiya, Danimarka, İsrail, Kipr, Rumıniya, Polşa, İsveç, Azərbaycan, Bolqarıstan, Serbiya, Şotlandiya, Belarus, Qazaxıstan, Norveç, Sloveniya, Slovakiya, Moldova, Albaniya, İslandiya, Macarıstan, Makedoniya, Finlandiya, İrlandiya, Bosniya, Latviya, Estoniya, Litva, Monteneqro, Gürcüstan, Ermənistan, Malta, Lüksemburq, Şimali İrlandiya, Uels, Farer adalarından Çempionlar Liqasına 1, Avropa Liqasına 3 komanda gəlir.
Cəbəllütariq, Andorra, San Marinodan Çempionlar Liqasına 1, Avropa Liqasına 2 komanda qatılır.
Kosovonun 1 komandası Çempionlar Liqasında, 1 komandası Avropa Liqasında oynayacaq.
Lixtenşteyn 1 komanda ilə yalnız Avropa Liqasında təmsil olunur.
Azərbaycan təmsilçisi “Qarabağ” Çempionlar Liqasına ilkin təsnifatdan sonra, birinci mərhələdən başlayır. Onun mümkün rəqibləri Litvadan “Suduva”, Maltadan “Valletta”, Bosniyadan “Sarayevo”, Polşadan “Pyast”, Rumıniyadan “Kluj”, Macarıstandan “Ferensvaroş”, Estoniyadan “Nomme Kalyu”, Monteneqrodan “Sutyeska”, Albaniyadan “Partizani”, İslandiyadan “Valyur”, Şimali İrlandiyadan “Linfild”, Farer adalarından “HB Torshavn”, Latviyadan “Riqa”, Gürcüstandan “Saburtalo”dur.
Azərbaycanı Avropa Liqasında “Qəbələ”, “Neftçi” və “Səbail” təmsil edəcək.
“Neftçi” və “Səbail” mübarizəyə ilkin təsnifatın ardınca, birinci mərhələdən başlayır. Onların potensial rəqibləri arasında Rumıniyanın “Universitatya”, Slovakiyanın “Dunayska Streda”, “Rujomberok”, Farer adalarının “B36 Torshavn”, Gürcüstanın “Çixura”, “Torpedo”, Monteneqronun “Titoqrad”, “Zeta”, Macarıstanın “Debretsen”, “Honved”, Sloveniyanın “Mura”, Moldovanın “Milsami”, “Petrokub”, “Speranta”, Estoniyanın “Flora”, “Trans”, Latviyanın “Liepaya”, RFS, Maltanın “Hibernians”, “Balzan”, “Qzira Yunated”, Albaniyanın “Laçi”, “Teuta”, Bosniyanın “Şiroki Briyeq”, “Radnik”, Uelsin “Konnah Kuey”, İrlandiyanın “Şemrok Rovers”, “Sent-Patriks Atletik”, Şimali Makedoniyanın “Şkupi”, “Akademiya”, “Makedoniya”, Finlandiyanın KuPS, RoPS, “İnter”, İslandiyanın “Reykyavik”, “Breydablik”, Litvanın “Stumbras” klubları var.
“Qəbələ” turnirə ikinci mərhələdən qoşulacaq. Bu raundda İtaliyadan “Roma”, Almaniyadan “Ayntraxt” (Frankfurt), İspaniyadan “Espanyol”, İngiltərədən “Vulverhempton”, Fransadan “Strasburq”, Hollandiyadan “Alkmaar”, “Utrext” də yer alır.
