Rusiyalıların 67 faizi içir
Rusiyada alkoqollu içki qəbul etməyənlərin sayı 2018-ci illə müqayisədə 7% azalıb. Novator.az-ın məlumatına görə, Ümumrusiya İctimai Rəyi Öyrənmə Mərkəzinin sorğusu bunu göstərir.
Mayın 28-də, yaşı 18-dən az olmayan 1600 nəfər arasında aparılan sorğu respondentlərin yalnız 33%-nin spirtli içki qəbul etmədiyini üzə çıxarıb. 67% alkoqollu içkidən vaxtaşırı istifadə etdiyini bildirib.
Tədqiqatçılar qeyd edir ki, 2018-ci ildə spirtli içki içməyən rusiyalılar əhalinin 40%-nə bərabər olub.
Sosioloqların məlumatına əsasən, rusiyalıların 18%-i ayda iki-üç dəfə, 16%-i ayda bir dəfə, 6%-i həftədə bir neçə dəfə spirtli içki içir.
Sorğu iştirakçılarının 27%-i ayda bir dəfədən az alkoqol qəbul etdiyini vurğulayıb.
Respondentlərin 29%-i siqaret çəkdiyini etiraf edib. Onların 16%-i sutkada ən azı bir qutu siqaret çəkir.
Səidə Hüseynova
