Beş ayın populyar adları
Novator.az Ədliyyə Nazirliyinin rəsmi saytında populyar adların siyahısına nəzər salıb.
Hesabata görə, 2019-cu ilin yanvar-may aylarında Azərbaycanda doğulmuş oğlan uşaqlarına ən çox Yusif adı qoyulub: 760 uşaq.
Populyar adların ilk onluğunda Əli (706 uşaq), Hüseyn (606), Uğur (581), Ömər (445), Murad və Məhəmməd (hər ikisi 432), Ayxan (388), Tunar (300) və Ümid (241) adları da var.
Qız adları arasında Zəhra ilk sıradadır: 782 uşaq.
Nuray adı yanvar-may aylarında 532, Aylin adı 503, Zeynəb adı 500, Məryəm adı 488, Fatimə adı 422, Mələk adı 413, İnci adı 358, Dəniz adı 344, Ayan adı 330 uşağa qoyulub.
