Mayın 29-da avronun kursu yenidən 1 manat 90 qəpikdən aşağı düşüb. Novator.az-ın məlumatına görə, Mərkəzi Bank bu valyutanı 1,8981 manata təklif edir.

Gürcüstan larisi (0,6103 manat) və Rusiya rublu da (0,0263 manat) ucuzlaşıb.

Dəyər artıran Türkiyə lirəsi 0,2814 manata satılır, ABŞ dolları isə 1,7 manat həddində saxlanıb (Tam siyahı).

Avro bu il aprelin 25-dən 29-dək, mayın 3-də və mayın 20-dən 24-dək 1 manat 90 qəpikdən ucuz satılıb.

Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.

Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait sərf edib. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.