Yaşamalı 10 şəhər
Almaniya Bankı (Deutsche Bank) dünyanın müxtəlif şəhərlərində həyat standartlarını təhlil edərək yeni reytinq hazırlayıb.
Novator.az-ın məlumatına görə, reytinq cədvəli hazırlanarkən şəhərlərdə alıcılıq qabiliyyətinin, cinayətkarlığın, təhlükəsizliyin səviyyəsi, səhiyyə xidmətlərinin keyfiyyəti, istehlak mallarının qiyməti, mənzil əldə etmək imkanları, yollarda tıxacın həddi, ətraf mühitin vəziyyəti kimi meyarlar nəzərə alınıb.
Reytinq cədvəlinə İsveçrənin paytaxtı Sürix şəhəri başçılıq edir. “Deutsche” bankının hesablamasına görə, Sürix dünyada həyatın ən keyfiyyətli şəkildə qorunduğu şəhərdir.
İkinci yerdə Yeni Zelandiyanın paytaxtı Vellinqton, üçüncü yerdə Danimarkanın paytaxtı Kopenhagen qərarlaşıb.
İlk onluqda sonrakı pillələrdə Şotlandiyanın mərkəzi şəhəri Edinburq, Avstriyanın paytaxtı Vyana, Finlandiyanın paytaxtı Helsinki, Avstraliyanın Melburn şəhəri, ABŞ-ın Boston və San-Fransisko şəhərləri, Avstraliyanın Sidney şəhəri gəlir.
Səidə Hüseynova
