Doğulanlar, ölənlər; nikah və boşanmalar
Novator.az Dövlət Statistika Komitəsinin 2019-cu ilin birinci rübünə aid hesabatındakı demoqrafik göstəricilərə nəzər salıb.
Rəsmi bilgiyə görə, əhalinin 49,9 faizi kişilər, 50,1 faizi qadınlardır.
Yanvar-mart aylarında Ədliyyə Nazirliyinin qeydiyyat şöbələri 32402 doğulan körpə qeydə alıb. Onların 53,5 faizi oğlan, 46,5 faizi qız uşaqlarıdır.
Birinci rübdə ölkədə 14811 ölüm halı, 13191 nikah, 3972 boşanma rəsmiləşib.
Daxili İşlər Nazirliyi və Dövlət Miqrasiya Xidmətinin daimi yaşamaq üçün 398 nəfər Azərbaycana gələn, 336 nəfər isə Azərbaycandan gedən qeydə aldığı bildirilir.
2018-ci ilin ilk üçü ayı ilə müqayisədə doğulanların sayı 552 nəfər, ölənlərin sayı 592 nəfər azalıb.
Nikahların sayında 295, boşanmaların sayında 416 artım var.
