Almaniya milli futbol çempionatı “Bavariya”nın qələbəsi ilə başa çatıb. Novator.az-ın məlumatına görə, bu, Münhen təmsilçisinin 29-cu çempionluğudur.
2018-2019 mövsümünü Dortmund “Borussiya”sı ikinci, “Leypsiq” üçüncü, “Bayer” dördüncü yerdə bitiriblər.
Avropanın digər aparıcı futbol ölkələrinə gəlincə, “Barselona” İspaniya çempionatının, “Mançester Siti” İngiltərə çempionatının, “Yuventus” İtaliya çempionatının, PSJ Fransa çempionatının, “Benfika” Portuqaliya çempionatının, “Ayaks” Hollandiya çempionatının qalibi olub.
UEFA Çempionlar Liqasının 2019-2020 mövsümünə qrup raundundan (17 sentyabr-11 dekabr) qoşulacaq komandalar bunlardır: İspaniyadan “Barselona”, “Atletiko”, “Real”, “Valensiya”, İngiltərədən “Mançester Siti”, “Liverpul”, “Çelsi”, “Tottenhem”, İtaliyadan “Yuventus”, “Napoli”, Almaniyadan “Bavariya”, “Borussiya” (Dortmund), “Leypsiq”, “Bayer”, Fransadan PSJ, “Lill”, Rusiyadan “Zenit”, Portuqaliyadan “Benfika”, Ukraynadan “Şaxtyor”, Belçikadan “Genk”, Türkiyədən “Qalatasaray”, Avstriyadan “Zalsburq”.
Təsnifat raundunda (25-28 iyun) üç komanda var: Cəbəllütariqdən “Linkoln”, Andorradan “Santa Kolama”, Kosovodan “Feronikeli”.
Azərbaycan təmsilçisi “Qarabağ” turnirə birinci mərhələdən (9-17 iyul) başlayır. Onun mümkün rəqibləri Bosniyadan “Sarayevo”, Maltadan “Valletta”, Polşadan “Pyast”, Rumıniyadan “Kluj”, Macarıstandan “Ferensvaroş”, Estoniyadan “Nomme Kalyu”, Monteneqrodan “Sutyeska”, Albaniyadan “Partizani”, İslandiyadan “Valyur”, Şimali İrlandiyadan “Linfild”, Farer adalarından “HB Torshavn”, Latviyadan “Riqa”, Gürcüstandan “Saburtalo”dur.
Bu raundda “Seltik” (Şotlandiya), BATE (Belarus), “Astana” (Qazaxıstan), “Maribor” (Sloveniya), “Srvena Zvezda” (Serbiya), “Şerif” (Moldova), “Rusenborq” (Norveç), HİK (Finlandiya), “Dandolk” (İrlandiya), “Düdelanj” (Lüksemburq), “Şkendiya” (Şimali Makedoniya), “Nyu Sents” (Uels), “Slovan” (Slovakiya), AİK (İsveç), “Suduva” (Litva) komandaları da yer alır.
İkinci mərhələdə (23-31 iyul) Danimarkadan “Kopenhagen”, Xorvatiyadan “Dinamo”, Kiprdən APOEL, İsraildən “Makkabi” (Tel-Əviv), İsveçrədən “Bazel”, Yunanıstandan “Olimpiakos”, Hollandiyadan PSV, Çexiyadan “Viktoriya”, Türkiyədən “Başakşəhər”, Avstriyadan LASK start götürür.
Üçüncü mərhələyə (6-13 avqust) Hollandiyadan “Ayaks”, Yunanıstandan PAOK, Portuqaliyadan “Portu”, Ukraynadan “Dinamo”, Fransadan “Lion”, Belçikadan “Brügge”, dördüncü mərhələyə (20-28 avqust) İsveçrədən “Yanq Boyz”, Çexiyadan “Slaviya” daxil edilib.
Rusiyadan “Lokomotiv” (Moskva), “Krasnodar” da Çempionlar Liqasında oynayacaqlar.
