İşləyənlər, işsizlər, pensiyaçılar
2019-cu il mayın 1-nə Azərbaycanda iqtisadi fəal əhalinin sayı 5 milyon 140,8 min nəfər olub, onların 4 milyon 887,1 min nəfərini məşğul əhali təşkil edib. Novator.az-ın məlumatına görə, Dövlət Statistika Komitəsi belə hesabat yayıb.
Aprelin 1-nə muzdla işləyənlərin sayı 1 milyon 580,8 min nəfər göstərilir, iqtisadiyyatın neft sektorunda 34,5 min nəfərin, qeyri-neft sektorunda 1 milyon 546,3 min nəfərin çalışdığı bildirilir.
Birinci rübün sonuna 1179 nəfər əcnəbi ölkə ərazisində haqqı ödənilən əmək fəaliyyəti ilə məşğul olub.
May ayının 1-nə məşğulluq xidməti orqanları 46,9 min nəfəri işsiz kimi qeydiyyata alıb. İşsizlikdən sığorta ödənişinin orta məbləği 236 manat həcmində rəsmiləşib.
Yanvar-mart aylarında ölkədə 53,9 min yeni iş yeri açılıb, 3,4 min iş yeri bağlanıb.
Əmək və Əhalinin Sosial Müdafiəsi Nazirliyinin məlumatına əsasən, aprelin 1-nə Dövlət Sosial Müdafiə Fondunda 1 milyon 293,6 min nəfər pensiyaçı qeydiyyatda olub, bu da ölkə əhalisinin 13,1 faizinə bərabərdir. Onların 58,5 faizi yaşa, 30 faizi əlilliyə, 11,5 faizi ailə başçısını itirməyə görə pensiya alır.
Təyin olunmuş aylıq pensiyaların orta məbləği ötən ilin müvafiq dövrü ilə müqayisədə 6 faiz artaraq 231,5 manata çatıb.
