İngiltərə milli futbol çempionatı başa çatıb. Novator.az-ın məlumatına görə, turniri 98 xalla bitirən “Mançester Siti” 6-cı dəfə qızıl medallara sahib çıxıb. İlk dördlükdə “Liverpul”, “Çelsi” və “Tottenhem” də qərarlaşıb.

Almaniya çempionatında sona bir tur qalmış 75 xalla “Bavariya” liderdir. Dortmund “Borussiya”sı 73, “Leypsiq” 66, “Borussiya” (Mönhenqladbah) və “Bayer” 55 xal götürüb.

Payız-yaz sistemi ilə keçirilən bir çox birincilikdə çempion bəllidir. “Barselona” İspaniya çempionatının, “Yuventus” İtaliya çempionatının, PSJ Fransa çempionatının, “Zenit” Rusiya çempionatının, “Zalsburq” Avstriya çempionatının, “Yanq Boyz” İsveçrə çempionatının, PAOK Yunanıstan çempionatının, “Dinamo” Xorvatiya çempionatının, “Kopenhagen” Danimarka çempionatının, “Makkabi” (Tel-Əviv) İsrail çempionatının, APOEL Kipr çempionatının, “Kluj” Rumıniya çempionatının, “Srvena Zvezda” Serbiya çempionatının, “Seltik” Şotlandiya çempionatının, “Slovan” Slovakiya çempionatının, “Partizani” Albaniya çempionatının, “Ferensvaroş” Macarıstan çempionatının, “Şkendiya” Şimali Makedoniya çempionatının, “Valletta” Malta çempionatının, Düdelanj” Lüksemburq çempionatının, “Linfild” Şimali İrlandiya çempionatının, “Nyu Sents” Uels çempionatının, “Linkoln” Cəbəllütariq çempionatının qalibi olub.