Litvada prezident seçkisi
Litvada mayın 12-də keçirilmiş prezident seçkisinin ilkin nəticələri açıqlanıb. Novator.az-ın məlumatına görə, 9 namizədin yarışdığı ilk tur qalibi müəyyən etməyib. Parlamentin deputatı İnqrida Şimonitenin 31,1%, iqtisadçı Gitanas Nausedanın 30,9% səslə ikinci tura çıxdığı bildirilir.
Baş nazir Saulyus Skvernyalis 19,7 səslə kifayətlənib və məğlubiyyətə görə istefa verəcəyini bəyan edib.
İkinci tur mayın 26-na təyin olunub.
2009-cu ildən Litva prezidenti postunu 1956-cı il təvəllüdlü Dalya Qribauskayte tutur. O, ilk dəfə 2009-cu ilin ümumxalq seçkisində prezident seçilib, 2014-cü ilin seçkisində postunu əlində saxlayıb.
