Qəzalarda 142 nəfər həlak olub
2019-cu ilin yanvar-mart aylarında Azərbaycanda 374 (2018-ci ilin birinci rübü ilə müqayisədə 0,5 faiz az) yol-nəqliyyat hadisəsi baş verib. Novator.az-ın məlumatına görə, Dövlət Statistika Komitəsi bildirir ki, hadisələr nəticəsində 142 nəfər həlak olub, 342 nəfər xəsarət alıb. Həlak olanların 78,9 faizi, yaralananların 75,7 faizi kişilərdir.
Yol-nəqliyyat hadisələrinin 48,1 faizi nəqliyyat vasitələrinin və piyadaların, 29,7 faizi bir neçə nəqliyyat vasitəsinin, 22,2 faizi bir nəqliyyat vasitəsinin iştirakı ilə baş verib.
Yanvar-mart aylarında yol hərəkəti qaydaları əleyhinə aşkarlanmış inzibati xətaların sayı 2018-ci ilin müvafiq dövrünə nisbətən 10,8 faiz azalaraq 701,6 minə düşüb. Qaydaların pozulmasına görə 23,1 milyon manat məbləğində cərimələr tətbiq edilib.
