Ermənistan: doğum azalır, ölüm çoxalır
Ermənistanın Statistika Komitəsi demoqrafik hesabat yayıb. Novator.az xəbər verir ki, hesabata əsasən, 2019-cu il aprelin 1-nə Ermənistanın 2 milyon 962,1 min nəfər əhalisi var. Ötən ilin eyni dövrü ilə müqayisədə əhalinin 7 min 800 nəfər azaldığı qeyd olunur.
Rəsmi açıqlamaya görə, 2019-cu ilin ilk 3 ayında qeydə alınan 700 nəfərlik təbii artım müqabilində ölkədən 3 min 900 nəfər köçüb, əhalinin sayı 3 min 200 nəfər azalıb.
Statistika Xidməti yanvar-mart aylarında ölkədə 8 min 42 uşağın doğulduğunu, 7 min 373 nəfərin öldüyünü bildirir. Doğum sayının 2018-ci ilin eyni dövrü ilə müqayisədə 3,1% azaldığı, ölüm hallarının 3,4% çoxaldığı qeyd olunur.
Səidə Hüseynova
