Əhaliyə təbii qazın satış qaydaları dəyişib.

Novator.az bildirir ki, 2017-ci il yanvarın 1-dən təbii qaz illik istehlak həcmi 1700 kubmetrədək olan istehlakçılar üçün bir kubmetr üçün 10 qəpiyə, illik istehlak həcminin 1700 kubmetrdən çox hissəsi üçün isə 20 qəpiyə satılıb.

Tarif (qiymət) Şurasının 30 aprel iclasında əhali üzrə təbii qazın aşağı tariflə illik istehlak həcmi 1700 kubmetrdən 2200 kubmetrədək artırılıb. İstehlak həcminin dəyişməsi ilə əlaqədar yaranmış fərq dövlətin maliyyə vəsaiti hesabına qarşılanacaq. Qərar 2019-cu il mayın 1-dən qüvvəyə minir.

İqtisadiyyat Nazirliyinin arayışına görə, indiyədək 1,5 milyondan artıq abonent (6 milyondan çox vətəndaş) təbii qazı aşağı tariflərlə alıb, yeni qərarla daha 300 minə yaxın abonent (1,2 milyondan çox vətəndaş) bu imkandan yararlanacaq.