Pənah Hüseyn komitə sədri seçildi
Xalq Partiyasının sədri Pənah Hüseyn Qarabağ Komitəsinin dönəm sədri seçilib.
Novator.az komitənin İdarə Heyətinin üzvü Əvəz Zeynallıya istinadla xəbər verir ki, qərar mayın 1-də qəbul olunub.
Pənah Hüseyn Qarabağ Komitəsinə iki ay ərzində sədrlik edəcək.
Bir qrup ictimai-siyasi xadimin ötən il yaratdığı Qarabağ Komitəsinə indiyədək Qarabağ Azadlıq Təşkilatının başçısı Akif Nağı, müharibə veteranı, ictimai xadim İlham İsmayıl, Ağ Partiyanın başqanı Tural Abbaslı, Ümid Partiyası sədrinin müavini Taleh Əliyev, KXCP lideri Mirmahmud Mirəlioğlu sədrlik ediblər.
Komitənin İdarə Heyətində İlham İsmayıl, Pənah Hüseyn, Mirmahmud Mirəlioğlu, Tural Abbaslı, Əvəz Zeynallı, Sahib Kərimli, Taleh Əliyev, Felmar Ələkbərov və Əlövsət Sadıqov təmsil olunurlar.
Pənah Hüseyn Azərbaycan xalq hərəkatının (1988-1992) liderlərindən, Xalq Cəbhəsinin qurucularındandır. Əbülfəz Elçibəyin prezidentliyi zamanı (1992-1993) dövlət katibi və baş nazir postlarını tutub. 2005-2010-cu illərdə Milli Məclisin deputatı olub.
