Məzənnələrin may startı
Mayın 1-də avronun rəsmi məzənnəsi 1,9070 manata yüksəlib.
Mərkəzi Bank ABŞ dollarının kursunu 1,7 manat həddində saxlayıb.
Dəyər itirən Gürcüstan larisi banklara 0,6285, Rusiya rublu 0,0263, Türkiyə lirəsi 0,2850 manata təklif olunur (Tam siyahı).
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların rəsmi qiyməti isə 2018-ci il martın 7-dən 1,7 manatdır.
Dövlət Neft Fondu manatı qorumaq üçün Mərkəzi Bankın bu ilin yanvar-mart aylarında keçirdiyi valyuta hərraclarında 1 milyard 551,6 milyon ABŞ dolları məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar alınıb.
