Dörd ayda Azərbaycan nefti 18 dollardan çox bahalaşıb
2019-cu ilin dörd ayında Azərbaycan nefti 18 dollardan çox bahalaşıb.
Novator.az bildirir ki, Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt” markalı Azərbaycan neftinin bir barreli yanvara 57,19, fevrala 63,69, marta 67,62, aprelə 70,82 dollarla start verib.
AZƏRTAC-ın 1 may məlumatına görə, “AzəriLayt”ın bir barreli 75,55 dollara satılır. Bu, ilin əvvəlindəki qiymətdən 18,36 dollar yuxarı qiymətdir.
Mayın 1-də London birjasında brent markalı neftin bir barreli 72,80 dollara, Nyu-York birjasında layt markalı neftin bir barreli 63,35 dollara təklif olunur.
