126-cı imperator
Aprelin 30-da Yaponiya imperatoru Akihito taxt-tacı şahzadə oğlu Naruhitoya təhvil verib. 59 yaşlı Naruhito imperator səlahiyyətlərinə mayın 1-nə keçən gecə başlayacaq.
30 ildir imperator olan 85 yaşlı Akihito dövlət başçısı vəzifəsindən öz istəyi ilə, xüsusi qanun əsasında gedib. Bu, 1817-ci ildən bəri ilk haldır.
Novator.az bildirir ki, Akihito Yaponiyanın 125-ci imperatoru idi. Onun mənsub olduğu sülalə bizim eradan əvvəl 660-cı ildən ölkənin başındadır.
1960-cı ildə doğulan 126-cı imperator Naruhito tarix üzrə ali təhsil alıb.
Ailəlidir, 2001-ci ildə doğulmuş bir qızı var.
