İspaniya milli futbol çempionatının qalibi müəyyənləşib. Novator.az-ın məlumatına görə, 35-ci turda xal sayını 83-ə yüksəldən “Barselona” əlçatmaz olaraq 26-cı dəfə ölkə çempionu adını qazanıb.
Sona 3 tur qalmış “Atletiko”nun 74,“Real”ın 65, “Xetafe” və “Sevilya”nın 55, “Valensiya”nın 52, “Atletik”in 50 xalı var.
36 turdan sonra İngiltərə çempionatında “Mançester Siti” 92 xalla öndədir. Lideri 91 xal yığan “Liverpul” təqib edir.
“Tottenhem” 70, “Çelsi” 68, “Arsenal” 66, “Mançester Yunayted” 65 xal qazanıb.
Almaniya çempionatında 31 tura 71 xal toplayan “Bavariya” ilk sıradadır. Dortmund “Borussiya”sı 69, “Leypsiq” 64, “Ayntraxt” (Frankfurt) 54 xal götürüb.
Avropanın bəzi aparıcı futbol ölkələrində də çempion bəllidir. “Yuventus” İtaliya çempionatının, PSJ Fransa çempionatının, “Yanq Boyz” İsveçrə çempionatının, PAOK Yunanıstan çempionatının, “Dinamo” Xorvatiya çempionatının qalibi olub.
