Yeni məzənnələr, manatın dollar xərci
Mərkəzi Bank aprelin 29-da avronun məzənnəsini 1,8966 manata qaldırıb.
Novator.az-ın məlumatına görə, Gürcüstan larisi (0,6289 manat), Rusiya rublu (0,0262 manat) və Türkiyə lirəsi (0,2854 manat) ucuzlaşıb.
ABŞ dollarının rəsmi kursu 1,7 manat həddində qalıb (Tam siyahı). Bu qiymət 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib.
Dövlət Neft Fondu manatı qorumaq üçün Mərkəzi Bankın bu ilin yanvar-mart aylarında keçirdiyi valyuta hərraclarında 1 milyard 551,6 milyon ABŞ dolları məbləğində vəsait satıb.
Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar alınıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
