Ramazan nə vaxt başlayır?
Qafqaz Müsəlmanları İdarəsinin Qazılar Şurası və Elmi-Dini Şura fətva yayıb. Fətvaya görə, Ramazan ayının 1-i miladi tarixlə mayın 6-na təsadüf edir, niyyət gecəsi mayın 6-na keçən gecəyə düşür.
Qazılar Şurası və Elmi-Dini Şura Ramazan ayı ərzində iftar vaxtından əvvəl ehsan adı ilə açılan süfrələrdə iştirak etməyin böyük günah hesab olunduğunu diqqətə çatdıraraq bildirir ki, belə məclislərdə iştirak edən din xadimləri barəsində ciddi tədbirlər görüləcək.
Fitr bayramı (Şəvval ayının 1-i) iyunun 5-də qeyd olunacaq. Fitrə zəkatının adambaşına 5-10 manat dəyərində verilməsi məsləhət görülür.
