Neftçilər parkında
Prezident İlham Əliyev və birinci xanım Mehriban Əliyeva aprelin 18-i Bakının Suraxanı rayonunun Qaraçuxur qəsəbəsində əsaslı şəkildə yenidən qurulan Neftçilər parkına baş çəkiblər.
AZƏRTAC xəbər verir ki, ümumi sahəsi 6 hektar olan ərazinin 4 hektarlıq hissəsində mədəniyyət və istirahət parkı yaradılıb. Digər 2 hektarlıq sahədə isə meşə zolağı salınıb və velosiped yolları çəkilib, işıqlandırma işləri görülüb.
İstirahət məkanında uşaq idman və futbol meydançaları salındığı, trenajorlar quraşdırıldığı, müxtəlif attraksionlar və oyun elementləri yerləşdirildiyi bildirilir.
Dövlət başçısı və birinci xanım parkda sakinlərlə görüşüb söhbət ediblər.
