Ermənistan hökumətinin ixtisarı rəsmiləşir
Aprelin 18-də Ermənistan parlamenti hökumətin ixtisarı barədə qanun layihəsini ilk oxunuşda qəbul edib. Novator.az-ın məlumatına görə, birləşmələr hesabına nazirliklərin sayı 17-dən 12-yə düşüb. Sənəd hökumətin Xarici İşlər; Müdafiə; Ədliyyə; Fövqəladə Hallar; Maliyyə; İqtisadiyyat; Sənaye və Yüksək Texnologiyalar; Əmək və Sosial Məsələlər; Ərazi İdarəçiliyi və İnfrastruktur; Səhiyyə; Elm, Təhsil, Mədəniyyət və İdman; Təbiəti Mühafizə nazirliklərindən ibarət olmasını nəzərdə tutur.
Ötən il mayın 8-dən Ermənistan hökumətinə Vətəndaş Sazişi Partiyasının lideri Nikol Paşinyan başçılıq edir.
