2019-cu il aprelin 1-nə Azərbaycanda qeydiyyata alınmış vergi ödəyicilərinin sayı 993 min 38-ə çatıb. Vergiler.az-ın məlumatına görə, bunun 128 min 261-i hüquqi şəxslərin, 864 min 777-si fiziki şəxslərin payına düşür.
Vergilər Nazirliyinin Dövlət Qeydiyyatı və Uçota Nəzarət Departamentinin baş direktoru Ələkbər Məmmədov bildirir ki, 2018-ci ilin ilk rübündə 20 min 343 hüquqi və fiziki şəxs qeydiyyata alınmışdı, bu ilin ilk üç ayında həmin göstərici 25 min 536-ya çatıb: “Ötən illə müqayisədə qeydiyyatdan keçmiş hüquqi şəxslərin sayında 8,1 faiz, fiziki şəxslərdə isə 28 faiz artım var”.
