Rusiyaya sığınanlar ən çox haradan gəlir?
Rusiya Xalq Təsərrüfatı və Dövlət Qulluğu Akademiyasının Sosial Təhlil və Proqnoz İnstitutu 2018-ci ilin hesabatını yayıb. Novator.az-ın məlumatına görə, hesabatın miqrasiya bölümündə bildirilir ki, 2018-ci ildə Rusiya 124,9 min mühacir qəbul edib. Bunun 8,7 mini Azərbaycandan gələnlərin payına düşür.
2018-ci ildə Rusiyaya sığınan mühacirlər arasında ən yüksək göstərici Tacikistan üzrə qeydə alınıb: 31 min nəfər. Qazaxıstan mühacirlərin sayına görə ikinci (26,5 min nəfər), Ukrayna (14,8 min nəfər) üçüncüdür.
Ermənistandan Rusiyaya 14,4 min nəfər, Qırğızıstandan 9 min nəfər, Moldovadan 7,7 min nəfər, Belarusdan 7,2 min nəfər, Özbəkistandan 6,8 min nəfər, Türkmənistandan 3 min nəfər mühacirət edib.
Azərbaycandan Rusiyaya gedənlərin sayında cüzi artım müşahidə olunub. 2017-ci ildə Azərbaycandan Rusiyaya 8,6 min nəfər gəldiyi vurğulanır. 2012-ci ilin analoji göstəricisi 18,1 min nəfər, 2013-cü ilin göstəricisi 17,3 min, 2014-cü ilin göstəricisi 12,4 min, 2015-ci ilin göstəricisi 10,7 min, 2016-cı ilin göstəricisi 10,4 min nəfərdir.
