Dollar 13 ayı geridə qoyur
Aprelin 5-də ABŞ dollarının kursu 1,7 manat səviyyəsində qalıb. Bu məzənnə sonrakı iki günə də şamil olunur. Novator.az-ın məlumatına görə, bununla dolların rəsmi qiymətində sabitliyin 13 ayı tamamlanır.
2015-ci il fevralın 21-də Mərkəzi Bank dolların kursunu 0,7862 manatdan 1,05 manata, dekabrın 21-də 1,55 manata qaldırıb. Həmin ilə 1,5594 manatla nöqtə qoyulub.
2016-cı ildə rəsmi qiymət 1,7707 manata çatıb, 2017-ci il dekabrın 13-dən dollar banklara 1,7001 manata təklif edilib. 2018-ci il martın 7-dən 1,7 manat həddi qüvvədədir.
Mərkəzi Bank aprelin 5-də avronu 1,9086, Gürcüstan larisini 0,6320, Rusiya rublunu, 0,0260 manata endirib.
Dəyər artıran Türkiyə lirəsi isə banklara 0,3025 manata təklif olunur (Məzənnələr).
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın yanvar-fevral aylarında keçirdiyi valyuta hərraclarında 951,1 milyon dollar məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
