Tanınmış rejissor Rövşən Almuradlı vəfat edib.

64 yaşlı rejissor aprelin 2-də Sumqayıt şəhərində qəflətən dünyasını dəyişib.

Rövşən Almuradlı 1954-cü il aprelin 19-da Bakıda doğulub.

1976-cı ildə Azərbaycan Dövlət İncəsənət İnstitutunun dram və kino aktyorluğu fakültəsini, 1987-ci ildə Moskvada ali rejissorluq kursunu bitirib.

1976-1980-ci illərdə Şəki Dövlət Dram Teatrında aktyor kimi çalışan Rövşən Almuradlı sonrakı dövrlərdə rejissor fəaliyyəti göstərib, Mingəçevir Dövlət Dram Teatrının baş rejissoru, müstəqil “İstiqlal” teatrının bədii rəhbəri olub.

Rövşən Almuradlı bir çox tamaşanın, bədii filmin, bədii televiziya filmlərinin quruluşçu rejissoru olub, bir neçə film-tamaşaya quruluş verib.

Allah rəhmət eləsin!