Övladlığa götürmə halları 14,4 faiz azalıb
Dövlət Statistika Komitəsi uşaqların övladlığa götürülməsi haqqında hesabat yayıb. Ədliyyə Nazirliyinə istinadla yayılan rəsmi məlumata əsasən, 2018-ci ildə 751 uşaq övladlığa götürülüb, bu da 2017-ci illə müqayisədə 14,4 faiz azdır. Əvvəlki ilə nisbətən övladlığa götürülən oğlanların sayı 13,7 faiz, qızların sayı 15,1 faiz düşüb.
2018-ci ildə əcnəbilər və vətəndaşlığı olmayan şəxslər 14 uşaq övladlığa götürüb. Onların 4-ü qızdır.
Övladlığa götürülmə qərarlarının məhkəmələrdə ləğv edilməsi hallarının əvvəlki illə müqayisədə 15,5 faiz artaraq 67-yə qalxdığı bildirilir.
