Rusiyada orta maaş nə qədərdir?
Rusiyanın Federal Statistika Xidməti yeni əməkhaqqı hesabatı açıqlayıb. Novator.az-ın məlumatına görə, hesabatda bildirilir ki, 2019-cu ilin yanvarında ölkədə orta maaş 42 min 200 rubl (1110 manat) olub. Bu, 2018-ci ilin eyni dövrü ilə müqayisədə 8,3% çoxdur.
Statistikaya əsasən, Rusiyada ən yüksək orta maaş faydalı qazıntıların çıxarılması sahəsində rəsmiləşib: 79 min 400 rubl.
Orta maaş üzrə ikinci yerdə 77 min 300 rublla maliyyə və sığorta sahələrində çalışanlar gəlir.
İnformasiya və rabitə sahəsində orta maaş 66 min 200 rubl göstərilir.
Yüksək orta maaşlı sahələrin ilk beşliyinə peşə, elmi və texniki (61 min 200 rubl), habelə daşınma və saxlanma (46 min 900 rubl) fəaliyyəti ilə məşğul olan sahələr daxildir.
Yanvarda ən aşağı orta maaş mehmanxana və ictimai-iaşə müəssisələrində qeydə alınıb: 27 min 200 rubl.
Novator.az bildirir ki, yanvar ayında Azərbaycan iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7,2 faiz artaraq 557,2 manata çatıb.
Səidə Hüseynova
