Prezident İlham Əliyev Xaçmaz Rayon İcra Hakimiyyətinin başçısı Şəmsəddin Xanbabayevi 1-ci dərəcəli “Əmək” ordeni ilə təltif edib. Təltif Şəmsəddin Xanbabayevin Azərbaycanın ictimai-siyasi həyatında fəal iştirakı ilə əsaslandırılıb.

Aprelin 1-də Şəmsəddin Xanbabayevin 80 yaşı tamam olur.

Novator.az bildirir ki, Şəmsəddin Hüseynqulu oğlu Xanbabayev 1939-cu il aprelin 1-də Ordubad rayonunun Aşağı Əndəmic kəndində doğulub. Azərbaycan Politexnik İnstitutunu bitirib.

Naxçıvan Muxtar Respublikası kommunal təsərrüfatı nazirinin müavini, Ordubad Rayon İcraiyyə Komitəsinin sədri, Ordubad Rayon Partiya Komitəsinin birinci katibi, Naxçıvan Şəhər Partiya Komitəsinin birinci katibi, Naxçıvan Muxtar Respublikası Dövlət Plan Komitəsinin sədri, Naxçıvan Muxtar Respublikası baş nazirinin müavini, baş naziri, Azərbaycanın əmək və əhalinin sosial müdafiəsi nazirinin müavini vəzifələrində çalışıb.

23 oktyabr 2004-cü ildən Xaçmaz Rayon İcra Hakimiyyətinin başçısıdır.

“Şöhrət” və “Şərəf” ordenləri laureatıdır.