Cəbhənin Füzuli rayonu istiqamətində şəhid olan Azərbaycan Ordusunun hərbi qulluqçusu Əlləz Ələddin oğlu Əlləzov martın 27-də dəfn edilib. Report.az-ın məlumatına görə, şəhidin doğulduğu Qazax rayonunun Yuxarı Salahlı kəndində keçirilən vida mərasiminə Qazax Rayon İcra Hakimiyyətinin, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin rəsmiləri, hüquq mühafizə orqanlarının əməkdaşları, şəhidin ailə üzvləri, yaxınları, komandirləri və əsgər yoldaşları, rayon ictimaiyyətinin nümayəndələri qatılıblar.

Ailənin böyük oğlu olan Əlləz Əlləzov 2018-ci ilin yanvar ayından həqiqi hərbi xidmət keçirdi.

Əlləz Əlləzov martın 26-da Ermənistan Silahlı Qüvvələri bölmələrinin Azərbaycan bölmələrinin mövqelərini atəşə tutması nəticəsində şəhid olub.