Martın 19-da Mərkəzi Bank avronun məzənnəsini 1,9288 manata qaldırıb. Novator.az-ın məlumatına görə, Gürcüstan larisi (0,6337 manat) və Rusiya rublu da (0,0264 manat) bahalaşıb.

Dəyər itirən Türkiyə lirəsi banklara 0,3110 manata təklif olunur.

ABŞ dollarının rəsmi kursu isə dəyişməz qalıb: 1,7 manat.

BƏƏ dirhəmi 0,4628, Çin yuanı 0,2531, İngiltərə funt sterlinqi 2,2567 manata satılır.

100 İran rialına 0,0040 manat qiymət qoyulub.

Dolların indiki kursu 2018-ci il martın 7-dən qüvvədədir.

Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.

Dövlət Neft Fondu manatın kursunu qorumaq üçün Mərkəzi Bankın bu il keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.