Rusiyada işsizlik: bölgələr üzrə göstəricilər
Rusiyanın “RİA Novosti” agentliyi işsizlik səviyyəsini araşdırıb. Novator.az bildirir ki, tədqiqatın nəticələrinə əsasən, 2019-cu ilin yanvarına Rusiyada işsizlik həddi 4,8%-ə düşüb. Bu, bir il əvvəlki göstərici ilə müqayisədə 0,3% azdır.
Federal Statistika Xidmətinin rəsmi məlumatına görə, yanvar ayına ölkədə 74,9 milyon işçi qüvvəsi qeydə alınıb. Onların 3,7 milyonu Dünya Əmək Təşkilatının meyarları ilə işsiz hesab olunur.
Paytaxt Moskvada işsizlik səviyyəsi 1,2% göstərilir.
Sankt-Peterburqda 1,4%, Yamalo-Nenetsk Muxtar Mahalında 2,2%, Xabarovsk diyarı və Xantı-Mansı Muxtar Mahalında 2,5% işsizlik qeydə alınıb.
Tatarıstan Respublikası, Kaluqa, Ryazan və Lipetsk bölgələri daxil olmaqla daha 12 regionda işsizlik səviyyəsinin 4%-dən az olduğu bildirilir.
İşsizlik həddinin ən yüksək olduğu bölgənin İnquşetiya Respublikası olduğu vurğulanır: 26,3%.
Sonrakı yerlərdə Qaraçay-Çərkəz Respublikası (16,2%), Dağıstan Respublikası (13,7%), Çeçen Respublikası (13,2%), Altay Respublikası (12,6%), Kabardin-Balkar Respublikası (11,5%), Zabaykalye diyarı (10%) və Buryatiya Respublikası (9,5%) gəlir.
Səidə Hüseynova
