Demokratiya ömrü uzadır
Demokratiya insanları sağlam və uzunömürlü edir. Novator.az xəbər verir ki, amerikalı alimlərin apardığı tədqiqat bunu göstərib.
Tədqiqatın nəticəsi Böyük Britaniyanın “Qardian” qəzetində çap olunub.
Alimlər 170 ölkə haqda məlumatları təhlil ediblər. Bəlli olub ki, son 50 ildə demokratik sistemin qurulduğu ölkələrdə insanların səhhəti yaxşılaşıb və ömrü uzanıb. Həmin ölkələrdə ürək-damar, xərçəng və sirroz xəstəliklərindən ölüm halları azalıb. Hətta demokratik sistem qurulduqca ölkələrdə ölümlə nəticələnən yol-nəqliyyat qəzalarının da sayının azaldığı üzə çıxıb.
Tədqiqatın nəticəsini əsas götürən alimlər bəyan ediblər ki, demokratiya adamların təkcə maddi vəziyyətini yaxşılaşdırmır, həm də insanları sağlam və uzunömürlü edir. Alimlərin fikrincə, azad və ədalətli seçkilər əhalinin yaşlı təbəqəsinin səhhətinin yaxşılaşmasında xüsusilə mühüm rol oynayır.
Səidə Hüseynova
