Yaradıcı qurumlara və nazirliyə əlavə vəsait ayrıldı
Prezident İlham Əliyev yaradıcılıq ittifaqları və birliklərinin müraciətlərini nəzərə alaraq onlara dəstək sərəncamı imzalayıb. Sənədə əsasən, 2019-cu ilin dövlət büdcəsindən, prezidentin ehtiyat fondundan Azərbaycan Yazıçılar Birliyinə 800 min manat, Azərbaycan Bəstəkarlar İttifaqına 650 min manat, Azərbaycan Rəssamlar İttifaqına 350 min manat, Azərbaycan Respublikası Kinematoqrafçılar İttifaqına 300 min manat, Azərbaycan Memarlar İttifaqına 250 min manat, Azərbaycan Teatr Xadimləri İttifaqına 250 min manat, Azərbaycan Aşıqlar Birliyinə 250 min manat ayrılır.
Başqa bir sərəncamla Mədəniyyət Nazirliyi Şabran rayonunun ərazisində yerləşən, V-VI əsrlərə aid Çıraqqala abidəsində möhkəmləndirmə və bərpa-konservasiya işlərinin görülməsi üçün 2019-cu ilin dövlət büdcəsindən 2 milyon manat alır.
