Ermənistanda hansı nazirliklər qalır?
Martın 7-də Ermənistan hökuməti 5 nazirliyin ləğvi barədə layihəni qəbul edərək parlamentin müzakirəsinə göndərmək qərarı çıxarıb. Novator.az-ın məlumatına görə, birləşmələr hesabına nazirliklərin sayını 17-dən 12-yə düşürmək nəzərdə tutulur. Layihə reallaşsa, hökumət Xarici İşlər; Müdafiə; Ədliyyə; Fövqəladə Hallar; Maliyyə; İqtisadiyyat; Yüksək Texnologiyalar Sənayesi; Əmək və Sosial Məsələlər; Ərazi İdarəçiliyi və İnfrastruktur; Səhiyyə; Elm, Təhsil, Mədəniyyət və İdman; Təbiəti Mühafizə nazirliklərindən ibarət olacaq.
Ləğv olunan nazirliklər bunlardır: Diaspor Nazirliyi, İqtisadi İnkişaf və İnvestisiyalar Nazirliyi, Kənd Təsərrüfatı Nazirliyi, Mədəniyyət Nazirliyi, Gənclər və İdman Nazirliyi.
Ötən il mayın 8-dən Ermənistan hökumətinə Vətəndaş Sazişi Partiyasının lideri Nikol Paşinyan başçılıq edir.
