Təhsil Nazirliyi nə qədər müraciət alıb?
Təhsil Nazirliyi telefon məlumat mərkəzinə (“Qaynar xətt”: 146) daxil olan zənglərin və vətəndaşların qəbulu mərkəzində göstərilən xidmətlərin statistikasını açıqlayıb. Rəsmi hesabata görə, 2019-cu ilin fevral ayında mərkəzlərə ümumilikdə 17 min 10 müraciət daxil olub.
Telefon məlumat mərkəzində 14 min 748 zəng qəbul edildiyi, vətəndaşların qəbulu mərkəzində 2262 vətəndaşa xidmət göstərildiyi bildirilir.
Müraciətlər daha çox tələbələrin köçürürlməsi, direktorların işə qəbulu, tələbə təqaüdləri, xarici diplomların tanınması, birinci sinfə qəbul məsələlərini əhatə edib.
