Avropanın aparıcı milli futbol çempionatlarında növbəti turlar arxada qalıb.

Novator.az-ın məlumatına görə, 29 oyundan sonra İngiltərə çempionatında “Mançester Siti” öndədir – 71 xal. “Liverpul” 70, “Tottenhem” 61, “Mançester Yunayted” 58, “Arsenal” 57 xal yığıb. 28 oyun keçirən “Çelsi”nin 56 xalı var.

İspaniya çempionatının lideri “Barselona” 26 turda 60 xal qazanıb. “Atletiko” 53, “Real” 48, “Xetafe” 42, “Alaves” 40 xal toplayıb.

26 turun ardından İtaliya çempionatında turnir cədvəlinə 72 xal yığan “Yuventus” başçılıq edir. “Napoli” 56, “Milan” 48, “İnter” 47, “Roma” 44 xal götürüb.

Almaniya çempionatında 24 oyuna 54 xal yığan Dortmund “Borussiya”sı ilə “Bavariya” öndədir. “Leypsiq” 45, “Borussiya” (Mönhenqladbah) 43 xal əldə edib.

Fransa çempionatında 26 oyuna 71 xal yığan PSJ liderdir. “Lill” 27 oyunda 54, “Lion” 49 xal toplayıb.