Devalvasiya illərinin nikah və boşanmaları
2015-ci ildə manatın dəyərdən düşməsi (devalvasiya) nikahlara da təsir edibmi?
Novator.az bildirir ki, bu haqda konkret araşdırma yoxdur. Lakin rəqəmlər var. Rəsmi rəqəmlər.
Novator.az manatın dəyərdən düşməsinin nikahlara mənfi təsir göstərdiyi barədə hər hansı iddia irəli sürmədən, yalnız Dövlət Statistika Komitəsinin açıqladığı rəqəmlərə istinad etməklə bildirir ki, 2015-dən bəri ölkədə nikahlar azalıb, boşanmalar çoxalıb.
2014-cü ildə ölkədə 84 min 912 nikah, 12 min 88 boşanma olub.
2015-ci ildə nikah sayı 68 min 773-ə düşüb, boşanma sayı 12 min 764-ə yüksəlib.
2016-cı ildə nikahlar yenə azalıb (66 min 771 nikah), boşanma yenə artıb (13 min 114 boşanma).
2017-ci ildə tendensiya dəyişməyib: 62 min 923 nikah, 14 min 514 boşanma.
2018-ci ildə də nikahların azalması, boşanmaların artması davam edib. Dövlət Statistika Komitəsinin məlumatına görə, həmin il Azərbaycanda 62 min 484 nikah bağlanıb, 14 min 857 boşanma qeydə alınıb.
Beləliklə, 2014-cü illə müqayisədə 2018-ci ildə nikah sayında 22,4 min azalma, boşanma sayında 2,7 min artım olub.
Nikah və boşanma statistikasının əvvəlki illərdə necə dəyişdiyinə də nəzər salaq:
2013-cü il – 86 min 852 nikah, 11 min 730 boşanma.
2012-ci il – 79 min 65 nikah, 11 min 87 boşanma
2011-ci il – 88 min 145 nikah, 10 min 747 boşanma
2010-cu il – 79 min 172 nikah, 9 min 61 boşanma
2005-ci il – 71 min 643 nikah, 8 min 895 boşanma
2000-ci il – 39 min 611 nikah, 5 min 478 boşanma
1995-ci il – 43 min 130 nikah, 5 min 669 boşanma.
