İki ayın ən çox qoyulan adları
2019-cu ilin yanvar-fevral aylarında Azərbaycanda doğulmuş uşaqlara qoyulan populyar adlar bəlli olub. Novator.az Ədliyyə Nazirliyinin təqdim etdiyi statistikaya əsaslanıb bildirir ki, ən çox qoyulan qız adları arasında Zəhra ilk sıradadır: 179 uşaq.
Nuray adı yanvar-fevral aylarında 133, Aylin adı 117, Məryəm adı 116, Zeynəb adı 107, İnci adı 91, Nilay adı 86, Mələk və Fatimə adları 83, Ayan adı 82 uşağa qoyulub.
Oğlan adları içində Yusif birincidir. İki ayda 176 uşağa Yusif adı verilib.
Populyar adların onluğunda Əli (160 uşaq), Hüseyn (134), Uğur (130), Məhəmməd (110), Ömər (108), Murad (90), Ayxan (88), Ümid (58), Tunar (57) adları da yer alır.
