Məhəmmədcavad Zərif istefa qərarından daşınıb. Novator.az bildirir ki, fevralın 27-də özünün “İnstaqram” səhifəsində açıqlama yayan Məhəmmədcavad Zərif İran xalqına və məmurlara dəstəyinə görə təşəkkür edib.
Prezident Həsən Ruhaninin onun istefasını qəbul etmədiyini yazan diplomat qeyd edib ki, ölkənin xidmətçisi kimi İranın xarici siyasətinin möhkəmlənməsindən başqa bir qayğısı yoxdur. Məhəmmədcavad Zərif Xarici İşlər Nazirliyinin dini liderin və prezidentin rəhbərliyi altında, digər qurumlarla əlaqəli şəkildə fəaliyyətini davam etdirəcəyinə inandığını vurğulayıb.
Fevralın 25-də Məhəmmədcavad Zərif 2013-cü ildən tutduğu xarici işlər naziri postundan istefa verdiyini açıqlayıb, ancaq prezident Həsən Ruhani istefanı qəbul etməyib, diplomatı fikrindən daşınmağa çağırıb.
İranın xarici işlər naziri niyə istefa verib?
