Buxari yenə prezident seçildi
Nigeriyada fevralın 23-də keçirilmiş prezident seçkisinin nəticələri açıqlanıb. Novator.az xəbər verir ki, Milli Tərəqqi Konqresinin namizədi, dövlət başçısı Məhəmməd Buxarinin 15 milyon səs toplayaraq seçkini udduğu bəyan edilib. Onun Xalq Demokrat Partiyasından olan ən yaxın rəqibini 4 milyon səs qabaqladığı vurğulanır.
Parlamentin də formalaşdığı 23 fevral seçkisi toqquşmalar və insan tələfatı ilə müşayiət olunub.
1942-ci il təvəllüdlü Məhəmməd Buxari 1983-1985-ci illərdə ölkəyə rəhbərlik edib, 2015-ci ildə ikinci dəfə prezident seçilib.
Səidə Hüseynova
