Ukrayna seçkisi üçün ikinci tur anonsu
Ukraynada prezident seçkisi ikinci tura qala bilər. Novator.az-ın məlumatına görə, Kiyev Beynəlxalq Sosiologiya İnstitutunun martın 31-nə təyin olunmuş seçki ilə bağlı sorğusu belə göstərir.
Prezident postu uğrunda 44 namizəd mübarizə aparır. İlk turda qələbə üçün 50 faizdən çox səs toplamaq tələb olunur. Kiyev Beynəlxalq Sosiologiya İnstitutunun 8-20 fevral arası 110 yaşayış məntəqəsində, 2042 nəfər arasında apardığı sorğuya əsasən, şoumen Vladimir Zelenski ilə indiki prezident Pyotr Poroşenko ikinci tura çıxacaqlar. Sorğuya qatılanların 15,4 faizi ilk turda Vladimir Zelenskiyə səs verəcəyini bəyan edib. Pyotr Poroşenko sorğu iştirakçılarının 10,5 faizinin faizinin dəstəyini qazanıb.
Deputat, Batkivşina Partiyasının lideri Yuliya Timoşenkonu respondentlərin 8 faizi, deputat Yuri Boykonu 6,3 faizi, Radikal Partiyanın lideri, deputat Oleq Lyaşkonu və Vətəndaş Mövqeyi Partiyasının lideri, deputat Anatoli Qritsenkonu 3,7 faizi prezident postunda görmək istəyir.
