Yanvarda xarici ticarət
Dövlət Gömrük Komitəsi 2019-cu ilin ilk hesabatını açıqlayıb. Novator.az bildirir ki, rəsmi məlumata görə, yanvar ayında Azərbaycanın xarici ticarət əməliyyatlarının həcmi 2 milyard 302,3 milyon dollar olub. Bunun 1 milyard 279,6 milyon dolları ixrac, 1 milyard 22,7 milyon dolları idxaldır.
Yanvarda 129 ölkə ilə ticarət əməliyyatı aparılıb, gömrük orqanları büdcəyə 329,6 milyon manat ödəyib.
İxracın 79,6 faizi xam neft və xam neft məhsulları, 1,6 faizi neft məhsulları, 7,9 faizi təbii qaz, 3,4 faizi meyvə-tərəvəz olub.
İdxalın 21,7 faizi maşın, mexanizm, elektrik aparatları, avadanlıqlar və onların hissələri, 10,9 faizi yeyinti məhsulları, 8,6 faizi nəqliyyat vasitələri və onların hissələri, 7,9 faizi qara metallar və onlardan hazırlanan məmulatlar,2,6 faizi plastmassa və ondan hazırlanan məmulatlar, 1,9 faizi oduncaq və ondan hazırlanan məmulatlar, 1,8 faizi əczaçılıq məhsulları, 1,5 faizi geyim əşyaları və geyim üçün ləvazimat, 1 faizi tütün və tütün məmulatları, 1 faizi gübrələr kimi rəsmiləşib.
Yanvar ayında ixracın 7,2 faizi MDB ölkələrinin, 57 faizi Avropa İttifaqı ölkələrinin, 35,8 faizi digər ölkələrin payına düşüb.
İdxalda MDB-nin payı 22,4 faiz, Avropa İttifaqının payı 16,2 faiz, digər ölkələrin payı 61,4 faiz göstərilir.
Əsas tərəfdaş İtaliya olub. Bu ölkə ilə ticarət aylıq dövriyyənin 20,7 faizi həcmində rəsmiləşib. Türkiyə 9,6 faizlə ikinci, Rusiya 7,4 faizlə üçüncüdür.
İxracda əsas ölkə İtaliya (34,7 faiz), idxalda Rusiyadır (11,8 faiz).
