İspaniya milli futbol çempionatının lideri “Barselona” 24-cü turda xal sayını 54-ə çatdırıb. Novator.az-ın məlumatına görə, “Atletiko”nun 47, “Real”ın 45,“Sevilya”nın 37, “Xetafe” və “Alaves”in 36 xalı var.

24 oyundan sonra İtaliya çempionatında turnir cədvəlinə 66 xal yığan “Yuventus” başçılıq edir. “Napoli” 53, “İnter” 46, “Milan” 42 xal toplayıb.

Almaniya çempionatında 21 oyuna 50 xal yığan Dortmund “Borussiya”sı öndədir. “Bavariya” 22 oyunda 48, “Borussiya” (Mönhenqladbah) 43, “Leypsiq” 41 xal götürüb.

Fransa çempionatında 23 oyuna 62 xal yığan PSJ birincidir. “Lill” 25 oyunda 50, “Lion” 46 xal toplayıb.

İngiltərə çempionatında “Mançester Siti” 27 oyuna, “Liverpul” isə 26 oyuna 65 xalla liderliyi bölüşürlər. 26 oyundan sonra “Tottenhem” 60, “Mançester Yunayted” 51, “Arsenal” və “Çelsi” 50 xal yığıb.