Prezident İlham Əliyev Rəvan Vaqif oğlu Həsənovu Bakı Beynəlxalq Multikulturalizm Mərkəzinin icraçı direktoru təyin edib. Sərəncam fevralın 12-də imzalanıb.

Rəvan Həsənov 2017-ci ildən icraçı direktorun səlahiyyətlərini icra edirdi.

Novator.az bildirir ki, Bakı Beynəlxalq Multikulturalizm Mərkəzi prezidentin 15 may 2014-cü il fərmanı ilə yaradılıb. Mərkəz tolerantlığın və mədəni, dini, linqvistik müxtəlifliyin qorunmasını təmin edən, habelə Azərbaycanı dünyada multikulturalizm mərkəzi kimi tanıdan və mövcud multikultural modelləri tədqiq və təşviq edən qeyri-kommersiya qurumu olan hüquqi şəxsdir.

2014-2017-ci illərdə quruma Azad Yəhya oğlu Məmmədov icraçı direktorluq edib.

Mərkəzin Himayəçilik Şurasının üzvləri sırasında akademiklər Kamal Abdulla, Akif Əlizadə, bəstəkar Firəngiz Əlizadə, rəssam Tahir Salahov və başqaları yer alır.